前民政事務局局長曾德成出席領導學校「曉民教育」成立典禮（圖），佢話因創辦人謝尚偉（Desmond）曾任民政事務局香港青年服務團首任團長，二人因而相識。Desmond間教育中心開宗明義話要培訓領袖人才，曾德成被問到香港係咪缺乏青年領袖，佢覺得唔係嘅，仲形容係青年「長江後浪推前浪」，至於特首新一份施政報告喺呢方面做成點，「被退休」嘅佢就話不在其位不謀其政喇。
至於曾德成有冇諗過「重出江湖」、甚至會喺9月份轉戰立法會？佢笑笑口話冇呢個打算，𠵱家係「休息吓，去旅行，讀吓書」。
對於近日立法會拉布，曾德成笑住話立法會主席，即係佢阿哥曾鈺成，可以處理好，又話日前因患病請假嘅阿哥已經康復，並無大礙。