馬楚成嘅《東京攻略》、《韓城攻略》分別喺2000年同2006年上映，其實佢喺3年前已經講過要開拍《歐洲攻略》，但一直未搵啱演員，所以開拍一拖再拖。去年馬楚成同內地投資方銀潤傳媒喺香港開記招，公佈咗2015下半年嘅開拍計劃，仲話梁朝偉、全智賢同高圓圓參演，但結果又係無影無蹤。
斟緊黎明李冰冰
不過馮仁昭去了解過，偉仔確實係答應演出，不過就唔係做番林貴仁個角色，而係全新故事。對偉仔嚟講，拍呢類題材比拍王家衛嘅電影輕鬆得多，拍攝時間短，唔使拍幾年，片酬又畀足4,500萬港元，所以佢拍完王家衛嘅《擺渡人》，4月就會去巴黎拍攝《歐洲攻略》。至於其他演員，聽講同黎明、李冰冰、楊冪都傾緊，仲有幾位內地小鮮肉演員，李易峰、吳奕凡同林更生。如今偉仔已經答應演出，應該搵其他演員都比較容易。噚日求證偉仔經理人公司澤東，佢哋承認接拍：「我們係接咗呢部戲，不過唔方便講咁多。」
撰文：馮仁昭