【中環】「小小超」李澤楷旗下嘅nowTV獲得免費電視牌照，日前有指佢已經搵咗離開商台冇耐嘅俞琤揸旗，應該密鑼緊鼓展開電視大戰。
小小超好少喺香港，前日晏晝兩點幾佢就獨自現身中環，如常係佢一貫嘅西裝恤衫才俊look打扮，不過亮點係佢換咗佢副招牌眼鏡，轉戴一副黑框圓邊眼鏡，都好有新鮮感。嗰日佢喺中建大廈行咗幾步去隔籬嘅置地文華上車，其間佢夾實叠報紙，邊行邊撳電話，由於當時落緊雨，泊車員見到小小超行緊嚟上車，都唔敢怠慢，即刻擔起把遮幫佢開路。小小超亦都急步行入佢架Audi座駕，上車之前亦不忘畀小費對方。
採訪、攝影：羅德光