等咗個幾月，德甲終於歇冬後重開，上周五榜首拜仁慕尼黑作客漢堡，包辦三個入球贏波，不過買咗拜仁[-2]嘅球迷唔好開心住，事關雖然羅拔利雲度夫斯基（圖）入兩粒，但沙比阿朗素擺烏龍，拜仁僅贏2:1，開唔出「客勝」。另外，拜仁中場馬里奧葛斯因傷缺陣，好疏乎咁同老婆阿Ann出席汽車品牌宣傳晚會，仲巧遇基斯坦奴朗拿度舊愛艾琳娜。艾琳娜以一身低胸火紅連身裙，大戰阿Ann嘅灰色Deep V裙，葛斯仔真係大飽眼福。