查維亞靴南迪斯（小豆、圖）唔得曼聯領隊雲高爾歡心，今季轉咗去踢德甲嘅利華古遜，表現出色，係咁入波，仲喺上周五當選上年嘅中北美及加勒比海地區嘅足球先生，唔知雲高爾有冇後悔呢？不過，好多網民都話，喺雲高爾嘅悶蛋戰術入面，小豆點都唔會踢得出𠵱家咁好嘅表現。至於最佳門將，就由愛華頓嘅侯活贏得。另外，贏咗世界足球小姐嘅美國球員萊德，就順理成章做埋中北美嘅足球小姐。