有路爾斯加西亞（黃衫）幫手都冇用，中岸水手繼續沉淪，噚日喺澳職主場以1:2不敵西悉尼流浪者，以九分續排包尾。水手上星期宣佈簽入前利物浦中場、37歲嘅路爾斯加西亞，佢喺噚日場波先做後備，見證對方馬克布歷治先入波，水手半場落後0:1。喺59分鐘，加西亞千呼萬喚始出來，首次幫水手披甲，佢喺67分鐘送出一個靚直線，策動進攻，由法比奧費拉拿建功追平。不過，水手守唔到尾，末段有球員被逐，踢多個嘅西悉靠辛達利比入波，以2:1贏波。