早前多名新界原居民涉違規出售丁權「套丁」牟利被定罪，鄉委會多名高層亦爆出「套丁」醜聞。上水鄉委會主席侯志強昨日在電台節目中反駁，外界以為丁屋只限原居民自住是「完全錯誤」，強調未有丁屋政策前，傳統華人社會都是有能力就建屋，「我無錢咪賣咗佢囉，呢啲叫『有就置、無就棄』，全世界都係咁㗎啦！」
侯志強又指，一般市民誤以為原居民有丁權建屋會令鄉村用地沒完沒了地愈擴愈大，但其實只是一種誤解。他解釋，政府規定丁屋一定要建在認可鄉村的300呎範圍內或是已劃出「鄉村用途區」（V–Zone）內才會考慮其申請，現時V-Zone以外「一寸土地都未劃過」。
他批評政府政策令社會出現城鄉矛盾，重申丁屋不應只視為供原居民自住，「依家公屋、居屋都有得買賣啦，都可以租，點解新界人嘅屋唔可以買賣呢？唔能夠賺錢呢？」他又認為當局既然已有丁屋政策，「無可能畀咗金剛圈之後有咁多制肘。」他指政府設立逾10個擴展區，但至今只批出兩個讓原居民建屋，上水的擴展區更已荒廢超過20年，他曾多次向政府要求釋放土地，政府卻將擴展區土地「放入雪櫃」。
土地監察主席李永達亦批評政府因怕到麻煩而將政策擱置，現時全港有600至700公頃棕地未使用。他建議政府放寬建屋限制，將部分單位分給原居民，另一部分則釋放出來建屋供港人解決住屋問題。