羅敏莊、高皓正及趙頌茹（Yu）帶同女兒到台灣為有線拍攝旅遊節目真人騷，昨日羅敏莊和高皓正都有帶同女兒出席在北角舉行的記者會，而阿Yu就獨自到場，她謂兩個囡囡因另有約會而缺席。
羅敏莊獲老公陳國邦現身撐場，她說：「有線請埋老公去，但佢同無綫有合約，所以唔會出鏡，遲啲老公會拍一年處境劇，所以好重視呢次旅行。而媽咪之前病做咗化療唔可以一齊出發。」羅敏莊指會在節目中澄清囡囡陳禛是天生鬈髮，她說：「因為出街真係有人鬧我幫佢電髮。」
此外，阿Yu再談到周永恒不肯簽紙離婚一事，她說：「我已經做晒我應做嘅，搵律師、上庭同做文件，我係有聯絡佢，但仍然進行唔到。」由於分居兩年便可單方面申請離婚，所以她只好朝此方向做：「今年8月尾就夠兩年，𠵱家惟有做好自己嘢先。」
採訪：王連連
攝影：葉君海
