新一季F1到三月先開鑼，各車手都仲有啲時間可以四圍玩吓，過去兩季連續贏總冠軍嘅英國車手咸姆頓，日前就去咗法國巴黎，出席由著名品牌喺周五搞嘅時裝表演。「黑帝」嘅着衫品味得唔得就真係見仁見智，佢今次睇show就着咗件粉紅色、令立立嘅風褸，件褸上面仲繡咗兩隻幾中國風嘅雀仔，再襯埋條絲質長褲，至少都吸引到大家注目吖。