猷君扑椰子吸女客

猷君扑椰子吸女客

賭王何鴻燊四房孻仔何猷君最近與新加坡富商女友Kimmy Lai熱戀,但亦不忘幫朋友,前日他便去了友人開的果汁店客串做店員,更上載相關影片到Instagram。
本報昨日致電給他,他表示:「我幫朋友果汁店promote吓,幫咗佢3、4個鐘,食完晏做咗一個shift,做啲都係簡單工作,扑椰子。」再問到他有冇客人認得他是何家公子,猷君表示:「有冇人認得我?唔知,好多外國人入嚟,可能冇啩,不過都有啲女仔入嚟,但飲開果汁嘅都係女仔多。」問到他之前有甚麼工作經驗,他表示:「由第一次去美國,暑期同寒假都會返嚟做banking,做private equity(私募股權基金)類別工作,今次純粹幫朋友。」
採訪:唐如

何猷君親自為客人開椰青,技巧純熟。互聯網圖片