著名會計公司Deloitte日前公佈14/15年度世界各地足球會嘅收入排名，皇家馬德里喺上年度總收入4.4億鎊（約49億港元）排名第一。
收入排名第七嘅阿仙奴，上年度收得嘅3.4億鎊，單計賣波飛等主場收入，就以1.02億鎊居首，勁過皇馬巴塞。兵工廠喺06年搬去阿聯酋球場，坐到六萬球迷（圖），吸金能力自然大增。阿仙奴喺下周日英超主場鬥車路士，一定會爆滿；另外，將會倒戈嘅門將施治，贊助商唔小心將新手套送錯咗去佢前屬球會車路士，唔知好嬲定好笑。
