汪圓圓日前在沙田仁安醫院，為玩具大王兒子蔡加讚誕下孖仔Christian和Kameron，奶奶蔡李惠莉昨日與媽媽一齊到醫院探望圓圓和初生孖B。蔡太日日都去探孖孫，但暫時仍分不到孖孫：「因為好似，喺埋一齊認到一個尖尖哋，細佬瘦啲、面細啲，分開就唔認得。」之後更笑不攏嘴說：「嚟咗兩日，佢哋食完瞓、瞓完食，頭先有擘大眼。」
談到圓圓，蔡太指因餵哺母乳，不可同時間餵，圓圓要慢慢學習，又謂她精神很好，至於打算送甚麼給孖孫做禮物，蔡太說：「始終身體健康緊要，嗰啲慢慢嚟。」不過已準備大利是。另外，圓圓的爸爸及楊小娟昨日都有到醫院探望，小娟透露圓圓今日可出院。
採訪：張俊銘
攝影：陳俊強