有啲術語，講得簡潔先夠professional。噚日金管局副總裁阮國恒（Arthur）就話，金管局近排同港台合作拍咗幾套短劇，其中一套叫「若要人不知，唔好再JB」，其實JB係乜嘢嚟？
原來JB係Jailbreak（越獄）嘅簡稱，即係iPhone原本有啲功能無開放，只要去手機舖頭搵專人破解，就可以釋放好多功能，其中一個係下載非官方嘅Apps，所以JB係網上「毒男」嘅術語。
Arthur就叫人千祈唔好JB自己部手機，因為好容易中毒同埋個人資料外洩。
咁用開mobile banking嘅市民就會有風險，特別係遲啲手機有P2P轉賬出台，各位用家就要更加應該小心。