作為香港內地旅客「自由行三寶」之一的莎莎（178），上周一（11日）公佈截至去年12月底止季度營運數據，一如所料，數據進一步惡化，港澳地區同店銷售額按年倒退12.2%，是超過3年以來最大跌幅。股價亦繼續尋底，公佈完季度數據後，股價曾跌至約2.12元水平，創逾6年新低。
有業界朋友跟密西比說，莎莎去年最後一季的差勁表現只是開始，今年表現「將沒有最差，因為只會有更差」。他說：「我諗你近排都有行莎莎啦？（密西比：真係無行過呀！）無行過都唔緊要，總之家陣佢店舖人流少咗好多，閒日仲死多二錢重，入到去，我見過每個客都俾一個sales嘜住，貴賓一樣。」
他繼續說︰「由於sales人工好多係嚟自佣金收入，聽講話，同舊年比，今年啲前線sales人工跌左三至四成，搞到大家喊晒口……可能我個人悲觀啲，隨着內地零售市場陸續開放，莎莎嘅黃金期已過咗，一個用300萬元開舖，3個月就可火速回本嘅時代將不會再見。」
莎莎何去何從？朋友聳聳肩，然後拋下兩個字「哈哈」。明白。
密西比