警察訓練基地位於黃竹坑，消防員則喺八鄉。1968年落成嘅八鄉消防訓練學校，去年轉做八鄉消防訓練中心，但今個月底將結束近48年嘅歷史任務，搬到將軍澳百勝角落成，新址於今年3月啟用。
香港首位女消防員，現任署理消防區長胡麗芳（圖），噚日同八方分享點滴。胡麗芳喺消防界打滾26年，1992年八鄉消防訓練學校首度招攬女消防員，佢剪咗長及腰間嘅頭髮參加，由學員做到教官，對訓練學校有深厚感情。佢形容每次返嚟就好似返娘家，胡麗芳最唔捨得，就係當年受訓時最辛苦嘅地方，亦係「八鄉」獨有標記、門口嘅大銅鐘，每次食飯響，集隊響，操車響，鐘聲深印腦海，到如今去飲茶聽到類似鐘聲，都以為教官又號召。
江俊豪攝