工黨因不滿特首新一份施政報告「走數」，趁房署喺屋邨告示板定期換海報時，諗住用海報向市民列舉CY「走數清單」（圖）。
工黨批評標準工時同全民退保冇料到，只狂loop「一帶一路」，批評呢份報告應該改名為「不施政報告」，工黨為市民發聲，點知竟然被房署職員拒絕張貼。
工黨屯門區議員譚駿賢話，房署拒貼海報，源於上面海報上面寫住：「（梁振英）卻繼續走數，繼續不做實事，無視民生訴求，根本就是不施政報告」，仲引述房署對話話「對阿梁生（CY）唔係幾好」。
譚駿賢鬧房署明顯係政治審查，已經去信房署問點解唔畀工黨喺天水圍貼呢款海報呢？批評房署打壓言論自由，指房署咁搞法，不如改名中宣部好過。