梁以平在明周繪畫「女生愛向」，這則叫：快樂藍罐。
讀後樂了好一會，農曆新年近了？
憶往昔童年樂？
她說：你話過人生就好似一盒藍罐曲奇……有啲好好食、有啲就冇咁好食。
阿甘正傳Forrest話：Life is like a box of Chocolates當然記得。
不過，過我們童年的年，除了油角、煎堆、炒米餅，就是大大樽花街拖肥朱古力，最窩心還是大號裝丹麥藍罐曲奇。
今時今日各出奇謀貴價曲奇滿山滿谷，幾個港童對教他們父母、甚至祖父母的童年兩眼放光零食物事發生興趣？
就是有，大概專挑鑲有黑加侖子乾、帶果物口感與野果香，或香濃牛油味、顏色偏淺蛋黃簡約類別，這是我的好好食。
從童年問到少年，既生瑜何生亮？
整罐曲奇餅就出這兩款，成效綽綽有餘，何必還有另外三個一般款式？
在物質相對貧乏的歲月，不吃不吃還須吃，最終迫於無奈，冇咁好食嗰啲，一樣放入口中慢慢咀嚼。尤其少年外出上學，萬千里外送到年尾媽媽溫馨包裹，必有爺爺嫲嫲指定寄來共我同過年樂藍罐曲奇。
坐椅上，面對窗外白雪皚皚，開懷獨享暢食自己特別鍾情的兩款，不時吃至眼淚靜默流淌。
藍罐曲奇跟大AL，如何關係上？
相信沒啥關係，純粹在下無厘頭亂想。
杜聰邀請參加一年一度，輔助愛滋孤兒智行基金活動。席間慈善義唱往昔一流全職、業餘歌手頗眾，Anders Nelsson、夾Band 100% Jackey、李龍基、Dorina Ma……人人歌藝非凡，聽出耳油如何少得了香港Rod Stewart大AL？
大AL，人生猶如一盒朱古力或藍罐曲奇，打開罐，內容有啲好好食、有啲冇咁好食……
不過你啲歌，全部都很動聽！