工聯會一連三晚搞長者團年宴，喺酒樓筵開幾十席同獨居老人食飯做節，前兩晚嘅嘉賓分別係現任特首梁振英，以及自稱十年前或者會選特首嘅立法會主席曾鈺成，噚晚則輪到下屆黑馬梁錦松。
有現場人士話，阿松嘅受歡迎程度不下於前兩位嘉賓，佢仲不停俾女圍，有班表演嘅女士，拉住佢親密合照（圖）；變成女人湯丸 ，唔知太太伏明霞會唔會呷醋？阿松都好投入，喺陳婉嫻帶住下逐枱同長者碰杯賀年，令在場長者好鬼冧；咁鬼瞓身，又難怪唔少人覺得佢正為參選熱身。佢回應傳媒提問時亦提及一帶一路，支持政府鼓勵港人多啲了解，明顯有意同CY爭風頭。