《呂志和傳》嘅作者係內地撰稿人畢亞軍，據資料，佢2014年創辦「華商名人堂」，專寫華人企業家嘅傳記式報道，佢2008年亦出過一本《華人金融家》。
呂志和噚日透露，係同事向佢推薦畢亞軍，對方多次由北京飛來香港跟佢面談，成本書總共用咗3年時間先至完成，中間其實寫好咗一個版本，但最後決定唔要，花咗15個月重寫出𠵱家呢個版本。
呂志和話「本身係一個平凡人」，唔想出自傳，主要喺朋友與同事鼓勵下，先至出書，希望以自己經歷講吓為人處世之道。
除咗呂志和，恒地（012）主席李兆基亦出過自傳《李兆基博士傳記》，由本地作家梁鳳儀執筆。新世界（017）創辦人鄭裕彤亦有一本由內地傳媒人陳雨操刀嘅《黃金歲月》。