新年梗係想行好運，有埋花與蝶伴隨就更好。
葵芳新都會廣場為今個農曆年特別打造「新春花蜜甜園」，花香鳥語甜蜜庭園內，有4.5米嘅旋轉花蝶亭，入面除咗有盛開嘅花，仲有「彩蝶」喺亭頂飛舞，祝福訪客運轉乾坤。
花蝶亭旁邊嘅粉紅色巨型蝴蝶，蝶翼上面添置咗六個印有精緻花樣圖案嘅春之花鼓，大家誠心許願後，再敲響太鼓祈求願望成真。庭園有個角落仲擺滿皇室玫瑰、雛菊、牡丹等，設有搖椅畀大家一邊細味花香，一邊欣賞庭園景緻，同場兼有許願樹（圖），畀大家貼上新年願望。集觀賞、玩樂兼新年元素嘅庭園，即日起至2月29日設置。