【新東補選】
【本報訊】立法會新界東補選將於下月28日舉行， 7名候選人昨出席電台的選舉論壇時，主持人要求他們表態是否支持特首梁振英連任，絕大部份候選人均表明反對，惟民建聯周浩鼎不斷迴避表態，「今日係我周浩鼎選立法會，唔係梁振英選立法會」，之後更無視主持追問，自行將話題扯到北區學額不足，有候選人對周迴避表態感失望。
記者：陳雪玲
參與新東補選的7名候選人昨出席商台選舉論壇節目，主持陳志雲一開始就要求他們就是否支持梁振英連任表態，除了獨立的劉志成支持外，公民黨楊岳橋、西貢區議員方國珊、新思維黃成智、本土民主前線梁天琦及獨立的梁思豪均表明反對。
不過在2012年特首選舉高調支持梁振英的民建聯周浩鼎，卻選擇全程回避，一時說「梁振英自己冇表達過佢要連任，所以我覺得呢個階段基本上唔需要評論」，陳直接問他是否回避作答，他反指今次參選立法會的是周浩鼎非梁振英，自言對事情表態非常審慎，之後更反客為主說：「我今日想幫北區家長講啲說話，學額係不足……跨境學童係咪一個問題？」及後更越扯越遠，指「港珠澳大橋因為一單公民黨嘅司法覆核，官司又拖延咗幾年，結果冇辦法分流到其他區囉」。翻查報道，去年9月周浩鼎以「真梁粉」自居，明言梁振英若競逐連任會第一個站出來力撐。
拒表明是否選超級區會
公民黨楊岳橋則明言「一定唔會支持梁振英連任」，狠批梁是撕裂香港的禍根，又揶揄周浩鼎不敢表態，「你之前公開講過梁振英連任你會提名佢，今日你咪講清楚……收回支持，點解要逃避？」強調立會議員是選委會委員，故周應就此事表態。梁天琦稱除極度堅持反對梁連任外，更反對任何在現有特首選舉制度下選出的人士。
主持指出民建聯在區議會選舉時，幾乎所有候選人均拒出席選舉論壇，質疑周出席論壇是否想提高知名度，為9月競逐超級區議會議席鋪路？周辯稱區選時黨友是夾不到時間出席論壇，但回避是否參選超區，而楊岳橋就被追問與前黨友湯家驊的關係，是否怕與湯扯上關係會影響選情？楊斷言不是，重申尊重對方，但現在他代表公民黨出戰，而湯因路線不同而退黨，認為不必刻意提起，令對方尷尬。
周浩鼎言論
主持：你支唔支持梁振英連任？
周浩鼎：梁振英自己冇表達佢要連任，所以我覺得呢個階段基本上唔需要評論呢件事情。
主持：佢唔表態唔重要，係你支唔支持﹖
周浩鼎：我覺得唔需要回答。
主持：你即係迴避緊唔作答？
周浩鼎：今日係我周浩鼎話選立法會，唔係梁振英選立法會。
主持：選民都想知你支唔支持，呢個問題好合理。
周浩鼎：我作為一個候選人，對於任何表態都好審慎，因為特首選舉根本未開始，根本梁振英冇表達過要連任，我點解𠵱家要評論，不如我哋講吓呢個選舉，我今日想幫北區家長講啲說話……
主持：你認為新東居民支唔支持梁振英連任？
周浩鼎：跨區學童係咪一個問題……港珠澳大橋因為一單公民黨嘅司法覆核，官司又拖延咗幾年，結果冇辦法分流到其他區囉。
資料來源：商台《在晴朗的一天出發》