鄭秀文（Sammi）、任賢齊、杜琪峯及林建岳，昨日於中環出席「影院．娛樂 全方位爆發新動力」記者會，席上大會宣佈MCL院線將有多項革新，包括在戲院內轉播演唱會及歌劇等。Sammi自爆當年初戀是於戲院內萌芽：「喺碧麗宮，但已經拆咗，嗰陣同男同學偷偷摸摸入去睇戲。」她又爆曾有男同事於戲院內被另一男生非禮摸大髀，如自己遇到類似情況必會出聲逮捕加以嚴懲。
小齊有份主演的電影《樹大招風》入圍柏林影展，小齊開心謂：「導演話因為套戲題材敏感，好多打劫同黑社會，所以內地上唔到，當然想去柏林影展，希望唔好再撞演唱會期，因為之前幾次有機會去外地影展都撞期。」
採訪：譚倩宜
攝影：陳順禎