現年31歲的傅嘉莉，近年先後被拍到搭上有婦之夫，前年本報拍到她孖逾百億身家、已婚肥叔叔Low Check Kian中環行街，兩人的士車廂再攬啜。日前又有雜誌爆料傅嘉莉的新歡是法拉利代理、已婚富豪莊天龍（Benny），男方育有兩子。
公私關係密切
傅嘉莉前年認識Benny後，獲對方陪到日本慶生，同年暑假再出遊米蘭，兩人還貼頭合照。Benny更益傅嘉莉拍廣告，公私關係都密切。小三身份曝光後，傅嘉莉潛水避傳媒，及至昨晚才蒲頭在灣仔會展做彩妝模特兒，她在台上行騷自信心十足。
問到跟Benny關係，傅嘉莉說：「我哋係朋友。」至於旅遊蜜照，她說：「一大班人去，我有飲醉，我影selfie時會轉唔同動作，嗰次玩得過咗火。」相中未見傅嘉莉有迴避，她說：「我玩過龍。」傅嘉莉強調當時並不知Benny已婚：「佢冇追求我，絕對唔係情侶關係。」傅嘉莉否認入不敷支：「我有儲錢、有投資，有買磚頭。」她強調並非報道指月入兩萬：「數字唔啱，我生活上應付到先會做，唔會先使未來錢。」傅嘉莉指報道後有跟Benny溝通過一次，她表示不想影響任何人。
蘇麗珊講劈腿
此外，同場看騷的蘇麗珊近日被指與男友游學修分別劈腿，她昨再解畫：「我哋拍拖半年，呢件事令我哋感情增加咗，唔想估嚟估去。」蘇麗珊表示游學修在報道後主動解釋否認，她承認即使與舊愛分手半年多，但對方在心中仍有重要地位，蘇麗珊前年拍戲認識游學修，但兩人去年中才拍拖。
採訪：卓寶花
攝影：沈健程