這天沙田馬場試閘焦點，落在短途明星馬「友瑩格」身上，馬主楊毅更有到場探班，結果馬兒在潘頓胯下參試第七組1200米泥閘輕勝而回，亞、季軍是「金獅快將」、「喜蓮歡星」。
早前「友瑩格」因為心律不正常，被迫放棄出戰香港短途錦標，不過上月底已贏過一次泥閘，今課閘再贏，已準備好出戰一月三十一日（星期日）1200米一級賽百週年紀念短途盃。
楊毅表示愛駒這課閘試得非常好，充滿朝氣，副練更說拉唔住，有番全盛期的氣勢。楊毅仲大爆「格格」原來都幾惡，以往曾發脾氣，扯到馬伕手臂甩臼，一有不如意就會起後腳踢人，霸氣十足，季初「格格」脾氣稍為收斂，表現即跌watt，如今變番惡霸，莫非是好兆頭？
楊毅又補充，「友瑩格」如果在百週年紀念短途盃跑入三甲，3月將會遠征日本，希望衛冕1200米一級賽日本高松宮紀念賽，但他強調一切以馬匹健康為大前題。