新帥效應果然有效，古杜連未正式上任，史雲斯已經識贏波！禮拜一史雲斯宣佈，搵咗60歲嘅意大利老帥古杜連做領隊教到季尾，而之前做暫代領隊嘅阿倫居迪斯就繼續留隊協助古杜連；古杜連教過多支意甲球隊，包括烏甸尼斯、帕爾馬同巴勒莫等。
而禮拜一晚場波，史雲斯主場對屈福特，古杜連淨係坐喺看台度睇波，但球隊都成功反底，靠艾殊利威廉斯入波，以1:0贏波。好笑嘅係，艾殊利威廉斯可能少睇意甲，話要上網Google先知古杜連係乜水。
