女強人是怎樣煉成的？信德（242）董事總經理何超瓊（Pansy）噚日出席亞洲金融論壇話當年，講起廿年前，本來佢唔想靠父親何鴻燊建立事業，但當年家族嘅港澳渡輪生意被內地競爭對手突襲，佢臨危受命先加入公司幫手拆彈。
佢憶述，當時管理層九成都係男性，老臣子仍然諗住加密班次去質死對手，Pansy覺得舊方法唔work，提議改變公司形象、柔性一啲，從女性同消費者角度出發做營銷。說服成班老臣子一啲都唔易，好在Pansy交到功課，Pansy亦謹記爸爸叫佢「（Be）not afraid of your own power（不要害怕自己的力量）」。
Pansy噚日同另外幾位政商及演藝界女強人一齊分享自己嘅經歷，同場仲有港交所（388）產品發展部主管白碧梅、證監會高級發展總監Bénédicte Nolens、摩根大通董事總經理李晶同環境局副局長陸恭蕙等。