銅鑼灣書店股東李波等人相繼離奇失蹤，其後有半官媒默認「強力部門」在港執法，然後呢？忽然有李波書信自稱「用自己方法」返大陸，另一失蹤者桂民海「被自首」片段又曝光喎，覺得難以置信？未算喎，有傳媒話李波喺最新家書稱，同調查人員成為好朋友！
世界好瘋癲，白鴿黨忍唔住，噚日喺fb貼出李波同調查人員嘅「老友」圖像（圖），毋須再講家書係真係假，齋睇圖已經有答案！民主黨創意媒體部主席黎敬瑋話，李波事件好多情節都係作出嚟，而且越嚟越荒謬，為咗令更多人關注，決定將故事荒謬情節圖像化，令市民一睇即明，免事件隨時日淡化。創媒中人前晚先起筆，噚日朝早已完稿，心中嘅怒火，可能加快咗畫圖嘅動力。