本周五（1月22日）是呂健威57歲生日，練者今季在快活谷賽事取得12場頭馬，而且勝出率接近兩成，今期(20日)谷草賽事，適逢係自己嘅賀壽戰，呂廐雖然僅得「善喜」、「勁有波幅」及「根深柢固」列陣，不過後駒新勝而臨，仍然有力取得頭馬，作為呂健威的生日禮物！
第八場二班1650米之「根深柢固」今季轉投呂健威馬房之後，兩次上陣獲一冠一亞佳績，表現比以往更見進步，其中上仗配莫雷拉孭133頂磅上陣，末段幾步已可衝贏對手，今次升上二班少負13磅，相信仍然難有阻力，改配今季策呂廐馬上名率達七成之柏寶執韁，有機會成為呂健威之賀壽馬。
至於第二場四班1650米之「善喜」，今季四戰短途均跑得接近而未能上名，今次毅然增程角逐1650米，無非謀求取得突破，既然已退役之同父同母馬「喜利多」能在1600米贏馬，相信「善喜」必有長力應付此程，勿因欠缺一哩賽績而輕視。