年尾清貨時間又到了，從場內Sales間收風，有店舖從倉底發現了一批史前遺物，就係原廠SanDisk的C4 microSDHC卡仔，論速度！可以話全無，就算想用來高清拍片都唔得，因為每秒傳輸速度只有4MB，不過價錢可以用恐怖形容，$19/8GB，出面一般做價隨時要$20-$30！
但問題出現了！買來做甚麼？佢基本可以對應720p拍片，所以如果你車CAM到今天還是用雜廠出品，想穩陣一些可以考慮換佢；第二！如果你身邊有朋友是記憶體黑洞，經常問你借USB手指又記憶卡抄東西，但過後永冇回頭者，奉勸你都是隨身帶十張八張這樣的卡，用來招呼他吧！
不過留意8GB是最抵買的，16GB相對會買貴咗；32GB無錯係更抵玩的，平均只需要$17/8GB，不過慢卡買咗大GB數，實用性不大，除非是用作車CAM用途。
查詢：A-Grade（深水埗欽洲街94號黃金中心地下4－7號舖）
記者：朱崇德