國際巨星麥當娜下個月首次嚟香港開騷，去年年底掀起撲飛熱，打電話訂飛嘅歌迷，噚日開始可以換飛，不過因為唔使再鬥快搶，所以噚日朝早喺尖沙嘴通利琴行外，就冇出現排隊黨或黃牛黨，但都有心急歌迷一早等拎飛，甚至有人請假去拎。
通利未開門就嚟等嘅一位男粉絲（圖）話，因為未睇過麥當娜演唱會，所以啲飛炒到貴都唔會賣。撰文：馮仁昭
