【本報訊】港大學生今發起罷課至少一周，中午亦有集會。罷課委員會委員王俊杰指，會連日在校園派發傳單、夜晚到訪舍堂「洗樓」，同學反應正面，希望集會最低限度「塞爆」黃克兢平台，向有權必濫的特首說不。
罷課集會今天十二時半在黃克兢平台舉行，先會宣讀罷課宣言，再由嘉賓及同學自由發言，集會結束後罷課同學將分批行動，在校園宣傳罷課及大學條例。
老師支持願補課
建築系楊同學指系內老師體諒罷課，「聽日（今日）有好重要嘅堂，先生話可以唔上堂，send e-mail畀佢，佢會補返一堂，我知先生都係支持嘅。」甘同學則指下學期剛開學，大部份同學未與老師討論罷課安排，但同學仍打算參加，「就算（罷課）有冇效都好，呢個都係我哋表達方式，畀佢（梁振英）知道我哋有幾不滿。」她批評特首無維護港大利益，「之前佢叫商人唔好捐錢畀大學，我唔覺得佢做任何嘢係有利港大。」張同學則選擇不罷課，因為行動不會影響結果，「學生做自己應該做嘅嘢。」
王俊杰拒評出席人數，強調梁振英有權必濫，港大人須發聲，「我哋相信永遠係香港緊急時間、推動社會變革，港大同學永遠唔會猶豫或缺席，希望會有足夠同學走出嚟。」身兼校委會職員代表的法律學院首席講師張達明指，罷課期間將如常教學，尊重不參加罷課的學生，惟目前未有補課安排，因認為學生希望以犧牲上堂權利宣示態度。
■記者潘柏林