喺廣州召開嘅政協第十一屆廣東省委員會常務委員會會議，決定增補54人為政協委員，當中最搶眼嘅莫過於霍震霆次子霍啟山Eric都入圍，而啟山近期被指同賭王三房千金何超蓮撻着，可謂情場政途皆得意喎！
現年32歲畢業於倫敦大學國王學院嘅Eric，2007年返港協助打理家族生意，主力開發南沙同廣州，致力為爺爺霍英東圓夢。據知佢對廣州市發展一直好投入，現更擔任廣州市政協委員同廣州市青年聯合會副主席㖭。
中新社就話，Eric近年積極促進兩地青年文化交流，而且仲喺舊年出任廣州馬拉松宣傳大使喎。瞓晒身幫手，難怪會獲欽點。