上年憑住世盃封后鎖定里約熱內盧奧運資格嘅中國女排，啱啱公佈咗26人集訓名單，最令球迷興奮嘅，應該係「可愛教主」惠若琪榜上有名！24歲嘅小惠上年八月因為接受心臟手術休養咗一排，好彩近期已經喺女排聯賽復出；其餘焦點球手包括世盃MVP朱婷、「老將」徐雲麗同魏秋月、「十一少」張曉雅同「最萌主攻」張常寧都有入選。第一批參加集訓嘅隊員今日就會報到，到咗奧運就要決選12人出賽。