求驗客手記：小豬「LIKE」贏羅志祥

台灣藝人「小豬」羅志祥講咗句「我係中國人」之後，facebook粉絲急劇下滑，由240萬跌到噚日嘅236萬，冇咗四萬人支持。至於德國「小豬」舒韋恩史迪加就越嚟越多粉絲，佢嘅twitter日前儲夠300萬網民follow，佢都特登出post感謝球迷支持。

另一名曼聯球員安東尼馬迪爾嘅instagram前兩日都儲夠100萬粉絲，佢就送咗件簽名波衫畀第100萬個follow佢嘅球迷，認真識做！另外，曼聯喺星期一有場U21英超嘅比賽，由贊奴沙梅開二度，曼聯以4:0大勝修咸頓。