亞洲金融論壇一連兩日在港舉行，特首梁振英噚日擔任開幕禮嘉賓，見佢坐定定時忽然咪咪嘴笑住回眸一望，究竟佢係望邊個呢？咁啱坐喺佢後排，又斜斜哋嘅，就係「梁粉」恒隆地產（101）主席陳啟宗喎。上星期陳啟宗被人問到會否支持梁振英連任，陳啟宗好玄咁話：「如果你係北京，你會點諗？唔使問阿貴喇！」梁特首係唔係好想知道阿貴點講呢。