禮拜三谷戰用C跑道，今季此移欄其實後追馬唔算蝕底，以最近12月23日賽事為例，當晚就分別有「南華勇將」、「珍珠旺」及「神舟小子」入直路後從尾叠後上反先對手，所以不宜過份側重前置馬，中外檔之後追馬若有分頭更值博。今戰列陣馬中，第四場「及時取勝」及第七場「神舟小子」一對徐廐馬上仗正是於谷C欄雙雙贏馬，今次又被安排齊齊在C欄上陣，有機會再替馬房起孖。另外，尾場「根深柢固」兩次角逐谷C欄均非冠即亞，後追馬食正跑道形勢有權再贏。