李琪（小圖）就嚟做老竇啦！效力東方籃球隊嘅李琪，噚日喺instagram上載張有三對籃球鞋嘅相，透露屋企即將迎接新生命。太太已經懷孕三個幾月嘅阿琪，原來生仔計劃都係由加入東方開始：「𠵱家喺東方朝早練一課，晚上練一課，反而比以前教書多咗時間，可以利用下晝空檔湊BB，將來甚至接佢返學、放學，喺香港嚟講係一件好奢侈嘅事，但呢個係我夢寐以求嘅事。」
