呢排德甲、巴甲等聯賽一係歇冬，一係新球季未開，唔少球隊為提升狀態都會踢友賽，好似巴甲球隊富明尼斯就喺美國參與一個叫佛羅里達盃嘅熱身系列賽，周日對烏克蘭嘅薩克達，足智彩都有開盤，不過富明尼斯竟然有已經離隊嘅「細哨」朗拿甸奴披甲，最終雙方賽和1:1，輕視富軍實力而投注薩克達1.57倍熱W嘅球迷就慘囉。講真，呢啲熱身賽只屬練兵，賽制又唔完善，好似上周六拜仁慕尼黑就1:2輸畀卡爾斯魯厄，爆16.5倍W，成場波拜仁換咗10次人，所以球迷要小心投注呢啲友賽，咪亂捧上盤。