張栢芝前晚在北京出席「星APP之夜」年度盛典，獲大會頒發「最具影響力藝人」獎項。栢芝回應前夫謝霆鋒與王菲的婚訊傳聞時說：「從第一日佢哋一齊，我就講過會完全一百分之一百祝福。」有傳內地有親子真人騷想請栢芝和兩子演出，她說：「絕對唔會，因為兩個未成熟，又要讀書考試。」
栢芝被問到是否有新戀情，她僅謂：「𠵱家想搵一個愛我、保護我、成熟穩重嘅男人，後生仔都冇所謂，以前追求浪漫，𠵱家在乎溝通。」栢芝自爆兒子比她更心急：「有次兩個小朋友見到個後生靚仔，好緊張同我講：『媽咪，睇吓，好靚仔，過去同佢傾偈，等佢追你！』話口未完就跑去個男仔度，話我媽咪好鍾意你。」
撰文：陳以晴