邊個話返內地工作一定要識普通話？識廣東話可能更吃香。好似華夏動漫（1566）喺上海環球港嘅室內主題樂園日本世嘉「JOYPOLIS」，即將喺農曆年廿八全面開幕，公司希望請到一班親善大使，月薪兩萬港紙，兼提供住宿、膳食津貼與保險等。
份工條件咁優秀，睇落應該要有一定經驗同資歷先做得到。非也！公司講明經驗不拘，只需要大專畢業同埋識講流利廣東話，普通話同英文只要基本識聽識講就可以接受，對一個畢業生嚟講真係一份筍工。如果願意駐上海，都係唔錯嘅選擇。
主席庄向松話，咁高人工請班親善大使到上海，係「希望俾人有賓至如歸的感覺」，因為JOYPOLIS早前試業，已經吸引一班香港人試玩，由香港人做親善大使，教佢哋玩入面嘅機動遊戲，自然有份親切感。