港鐵除咗做鐵路，𠵱家喺大埔同新界西北地區，都有提供17條接駁巴士線，載乘客去港鐵站轉車。
港鐵巴士車隊近期就有新成員加入，為數68部由瑞典富豪（Volvo）馬來西亞廠生產嘅B9TL型巴士（圖），已經陸續付運到港。其中一部新車今個星期三於天水圍K76線正式投入服務。港鐵車務營運主管黃琨暐介紹新車時話，新車全部達歐盟5期排放標準，車廂內仲用咗更光猛嘅LED燈，又有自動到站廣播系統。目前車隊總共有155部巴士，今次買嘅68部新車要2億，陸續喺2017年底前投入服務，載客量可提升約12%。
另外，港鐵亦已預留3億，等政府完成公共交通策略研究後，因應需求再買多10部巴士同10列輕鐵。