【本報訊】香港律師會日前宣佈會在2021年起推出統一執業試，被指變相取代3間大學的法律專業證書課程（PCLL），圖操控律師入行生殺權。大律師公會前主席、資深大律師陳景生昨稱，若律師會可有直接權力決定哪些人可以或不可以入行，會令市民質疑是否有利益衝突。
記者：許偉賢
律師會會長熊運信早前回應擬設統一試時，曾反問為何專業團體不可有自主權；身兼大律師公會法律教育及專業進修委員會主席的陳景生昨於商台節目指：「律師會作為專業團體，意見係應該重視，但唔等於有絕對權力決定邊個可以入行、邊個唔可以。」
顧問報告無公開
陳景生表示，專業團體若在入行問題上有直接權力，壞處是令市民質疑是否有利益衝突，「市民或者會有個感覺，如果個試純粹由律師會去考（負責出卷及改卷），咁律師會覺得話𠵱家環境唔好、唔好咁多人出嚟爭食嘞，咁個試就難啲啦……我哋相信（律師會）根本唔係有此壞心腸，但市民嘅感覺不可忽略。法律唔只係要公正，仲要市民睇得到嘅公正」。
熊運信早前曾澄清指該會未必另設考試，大學與律師會可同時出題考學生，而考生須在律師會的題目及格，PCLL則毋須及格；陳景生指此舉亦有問題，「如果話PCLL唔使讀、hea就得，咁大學嚟講唔會放好多資源喺PCLL；如PCLL成為香港大律師入行必讀課程，咁梗係對大律師嘅質素有影響」，他並指若律師會設不合理限制，「讀咗PCLL後，咪個個做大律師囉，唔情願嘅都監住做（夾硬做）。」
陳景生又指出題亦涉不少技術問題，「係咪三間（有法律學院的）大學嘅試都有呢啲題目先得？否則點會叫做common entrance exam？」他引述曾與港大、中大及城大「頭頭」商談，三大一致表明不接受被要求向考生發證書證明已完成PCLL課程、學生卻毋須考試及格。
陳相信律師會會考慮市民及其他持份者意見，同時指律師會曾就增設統一試進行顧問報告，卻從未向外公開。
本報昨曾致電熊運信，截稿前未獲回覆。