特首梁振英女兒齊昕去年萬聖節在中環亞畢諾道上演「齊昕摑母」後，昨日母女齊齊現身，結伴往摑母事發地點附近的擺花街撐枱腳享受天倫之樂。昨晚約7時半，齊昕獨個兒現身中環擺花街一間西餐廳，初時她一人坐在餐廳，至晚上7時45分，特首夫人梁唐青儀抵達會合，跟齊昕有傾有講。不過，齊昕沒多久發現記者在場，即急急戴上黑超，跟母親齊齊顯得十分避忌。之後齊昕忽然走出餐廳，到附近便利店想買東西，結果她逗留不夠10秒又速速離開，折返餐廳跟母親會合。
搵老外做伴
不過，原來在齊昕前往便利店時，特首夫人為避記者鏡頭已調往一張較隱蔽的枱坐下，至於齊昕返回餐廳後未有理會母親，不停滿場飛，跟其他客人傾偈講笑，其間有為他人慶祝生日，也有搭住異性老外膊頭密密斟，又在餐廳酒吧買了一杯shooter一飲而盡，表現相當熱情和開心。
據了解，齊昕逗留期間曾到處問老外是否單身，似乎想找個伴，不想跟隨母親離開。然而，最終齊昕還是乖乖就範，逗留至晚上9時25分便埋單，然後隨母親乘車歸家。
採訪、攝影：畢紹基、黃曉程、羅德光
