正當中超同中甲球會隨便都拎幾千萬人仔出嚟買人嘅同時，中國奧運隊喺卡塔爾嘅U23亞洲盃連輸兩場，好大機會出局。國奧先係首戰以1:3不敵卡塔爾，上周五對敍利亞，雖然中場廖力生好叻仔，連續兩場比賽都罰球建功，幫球隊先開紀錄，但完半場前糜昊倫回傳失誤，令門將杜佳不得不侵犯對手，輸12碼並且被逐，敘利亞靠12碼靠平，換邊後國奧失多兩球，只可惜又係輸1:3，喺A組兩戰全敗。國奧出線嘅機會名存實亡，佢哋下場對伊朗要大勝三球先有機會晉級；完場後，好多國奧隊嘅小將都喊晒口（圖）。