韓國女團TWICE嘅台灣籍成員周子瑜，因為被台灣藝人黃安舉報為「台獨分子」，而遭內地網民群起圍剿，事件喺內地同台灣都成為焦點。
台灣綜藝節目《康熙來了》女主持小S前晚喺台灣出席品牌活動時，當現場記者問到有關周子瑜被內地封殺一事時，小S似乎怕講錯嘢，一陣又得失內地網民，所以佢就寧願唔講，即時轉頭走人。
平日都算敢言嘅小S有咁嘅行動，網民都紛紛留言：「平常唔係好敢講咩」、「人哋仲要去對岸賺錢」、「唔係最愛話網路霸凌」、「唔係好愛伸張正義」、「呢個時候藝人都縮掉唔會出嚟講」、「被黃安盯上就慘」。