現年46歲嘅伊能靜同細佢十年嘅內地老公秦昊有心有力，即使伊能靜踏入高齡產婦嘅界線，仍造人成功，秦昊日前喺微博貼出超聲波影片，親證伊能靜生馬騮B，伊能靜亦緊隨貼出BB超聲波相，並發長文細數懷孕心路歷程，感謝上天畀咗份禮物—「猴子」，令佢同秦先生都開心!
伊能靜在文中提到因為睇見秦先生好鍾意小朋友，所以有認真思考生小朋友嘅事，就算自己被醫生「判了死刑」，懷孕率極低，都冇放棄，四處求醫。即使各種藥物反應令佢水腫，忽肥忽瘦，甚至一度昏厥，都堅持冇沒放棄。伊能靜更自爆曾喺臨瞓前同秦昊講：「你找個年輕一點的老婆，我們分手吧。」似乎曾飽受成孕機會嘅問題困擾。