【親子籽：揀啱童書】
近年專門售賣兒童圖書的書店越開越多，面對茫茫書海，如何為子女揀選圖書是不少父母面對的難題，費盡心機買一堆書回家，子女可能三分鐘熱度，將書本擱在一旁，既浪費又花錢。有父母購買了四千多本英文童書，創立另類的網上圖書館，讓其他身同感受的家長隨時隨地上網為子女揀選圖書借閱，提供建議書單之餘，還設立免費上門借還服務，希望藉此鼓吹親子共讀的樂趣。
育有一名三歲半兒子Kaydan的梁冠球（阿球）和太太Ada一向愛閱讀，自然也希望兒子也沾上閱讀興趣，所以在兒子還未出生前已開始留意有關童書資料，買下一堆存貨，直至兒子日漸長大，開始有意識翻閱書本，卻發現他經常揭了幾頁就不看，家中漸漸堆積了很多食之無味、棄之可惜但仍然新簇簇的「舊書」，送給朋友？又可能遇上同一命運。兩夫婦幾乎清一式只買英文童書，「英文書特別貴，動輒都要一百幾十蚊一本，精裝版更可能要幾百元，千幾蚊只係買到幾本書。」他倆每次行書局就像進入宇宙，總是迷茫得不知道如何揀書，和其他父母級的朋友傾談，發現原來大家都是同道中人，於是想到不如弄一個專為父母及孩子而設的圖書館，買一大堆童書回來分門別類，供大家借閱，一個傳一個，既慳錢又環保。
客人月睇40本書 多過吳得掂
二人年多前開始着手做資料搜集，他們接觸童書的年資不算長，世界各地的童書多得驚人，需花大量時間瀏覽各地圖書網，研究哪些作者最受歡迎、哪些童書曾獲獎等，又向身邊任職言語治療師及教書的朋友取經，最後花了大約20萬元在亞馬遜等國際購書網站購入了逾二千本英文童書，於2014年9月創立了香港首家網上兒童圖書館「Bookswalas」，客人只需上網一click，就有速遞免費上門交收借閱的圖書。他們更歡迎客人提供書單，再代為購買，讓其他人借閱，現時每月都會持續購入數十本新書，館藏已有逾四千本英文書。
館內圖書的讀者對象主要為0至12歲孩子，他們又將圖書仔細分成超過40個類別，包括情緒管理、如廁訓練、英雄系列、認識身體部位、關於兄弟姊妹、職業等，縮窄客人的搜索範圍。阿球和太太又親自為大部份圖書撰寫撮要，並將圖書的部份內容用電腦掃描再上載網站，讓客人對圖書有基本認知才借閱，如果仍然沒有頭緒，還可WhatsApp阿球詢問意見。圖書館以會員制營運，客人付月費（有不同月費組合，最低$200）就可在一個月內無限次借圖書，或選擇買代換券，憑券借書，只要在限期內歸還即可，書本的借閱期可長達半年！阿球說：「每次最多可借5本，如果客人睇得快，一個星期借還兩次，一個星期可以睇到10本書，一個月就睇到40本，唔會睇得比吳局長少。」有時見孩子遲遲不願歸還圖書，對圖書愛不釋手，家長才花錢去買一本收藏，這個圖書館為他們省卻不少冤枉錢。
到公共圖書館借過書的人都知道，不少圖書的清潔情況令人汗顏，記者甚至見過有人戴着手套揭書。阿球想到這點，不止親自為每本書包上書膠，還特意購入一部低溫臭氧消毒機，每次外借前會先將圖書放入機內徹底消毒，「都係同理心驅使，我都係父母，都唔會想自己小朋友睇嘅書唔衞生。」
交讀書報告 送貼紙鼓勵
圖書館開了年半，他們說：「有排都未回本。」又笑言這生意根本冇錢賺，也不單純為賺錢，更重要是鼓勵父母和孩子放多點時間在實體書，而非沉迷電子產品。他們還有個小獎勵計劃，每次外借圖書時都會附上一張讀書報告卡，希望小朋友會將讀後感寫下或畫出來，還書時一併寄回的話，他們會送上一些小貼紙作鼓勵，還會上載至網站與其他讀者分享，藉以提升孩子的閱讀興趣。
到阿球的家參觀，發現不論廁所、梯間、遊戲室都放滿書，誇張得很，Kaydan今年才不過三歲半，讀幼稚園K1，人仔細細已經要看這麼多英文書，似乎有點怪獸家長？Ada說兒子正就讀老牌幼稚園，主要用廣東話授課，直認是因為望子成龍的心態才給他多看英文書，「廣東話唔會唔識㗎嘛，Kaydan對數字唔太感興趣，但通過睇圖書就好有興趣學習，亦好快上手，𠵱家連睇電視都要求睇英文卡通片。」
親子陪讀 藉圖畫講古仔
阿球認為父母陪伴子女讀書，可當成身教一部份，他每晚都會和Kaydan講睡前故事，Kaydan往往會主動要求看罷3至5本書才能入睡。有些家長可能會覺得童書字數不多，只得圖畫，看完也未必有得着，「有時同仔女睇書都唔一定要照書讀，可以根據圖畫作古仔，字少反而發揮空間更大。」阿球還曾收過不少家長查詢，問有沒有學英文和數學等學術性圖書或教科書借閱，令他哭笑不得，大為感慨，「難怪咁多細路唔鍾意睇書，上堂以外仲要睇學術書，細路只會覺得吃力，咁唔係一個好培養方法。」他認為圖書應任由孩子選擇，最重要趁早培養閱讀興趣，「小朋友大個咗開始要忙功課同其他事，可能會將閱讀習慣同興趣放低，到時先開始培養的話，我唔相信佢仲會有興趣囉。」
查詢： http://www.bookswalas.com/
記者：黃子配
攝影：鄧鴻欣、黃子偉
編輯：陳漢榮
美術：孔文彬