教育局局長吳克儉以「博覽群書」聞名全港，月讀30本書實在令人拍案驚奇。據聞佢對自己呢種濕濕碎「奇技」都好自豪，但可能要謙虛啲，以免其他人自愧不如，所以吳得掂噚日見傳媒，被問最近睇緊乜書同雜誌增值自己時，一度笑而不答；記者再三追問，佢先答話睇緊《Global Game Change》（圖），仲推介學生睇！
呢本吳得掂推介嘅好書中文譯名叫做《全球大變局》，由著名戰略學家John Naisbitt（約翰．奈斯比特）與妻子Doris Naisbitt（多麗絲．奈斯比特）合著，書中提及「南環經濟帶」主宰世局，同國家主席習近平倡議嘅「一帶一路」治國藍圖，互相呼應。原來又係一帶一路，怪不得吳得掂猛話好。