黃翠如昨日在銅鑼灣出席旅遊活動，她早前和男友蕭正楠一家去了日本旅行，並獲男友大讚細心，足見她能夠融入蕭家兼打好關係，對此翠如開心謂自己只是團友，整個行程其實是由蕭正楠妹妹負責，平時跟他們如朋友般相處，互相照顧。
有報道指蕭正楠家人愛指使翠如，她否認說：「冇，主要係佢細妹做。睇完報道覺得唔好意思，因為其實所有功勞應該係妹妹。」
翠如坦言希望拍拖有私人空間，可以自由自在去旅行，問到會否計劃明年結婚？翠如笑說：「冇咁嘅計劃，其實我哋喺埋一齊一年多，遲啲一齊開工拍劇，可以互相評價下，如果有好消息一定會話畀大家知。」
採訪：王連連
攝影：陳慧安