CY噚日特別「紅」，發表施政報告受大眾注目，而曾為CY助選嘅劉夢熊亦作供大爆CY鮮為人知嘅「小故事」。2012年特首選舉敗給CY嘅唐英年，都不甘寂寞，噚日喺微博同大家Say Hi（圖），透露剛帶咗江蘇社團總會代表團，到訪有東方威尼斯美譽嘅蘇州。唐唐話此行除咗同當地市委書記同政府會面、出席當地九龍醫院十周年儀式等等，仲重遇國家前財政部部長項懷誠，原來對方都係江蘇人。唐唐月底會應香港新聞工作者聯會邀請，出任榮譽團長，帶香港新聞界到訪江蘇。唔知唐唐會否響應西環「呼籲」，搵次帶「梁粉」團返鄉下耕田？